ورزش انسانی صحت کے لئے بے حد ضروری ہے لیکن ورزش کرنے کا ایک طریقہ کار ہوتا ہے اور خاص کر ورزش کا اثر تب ہی ہوتا ہے جب انسان اپنے کھانے پینے اور ڈائیٹ کا بھرپور دھیان رکھے۔ اکثر آپ نے یہ بات لوگوں سے سنی ہوگی کہ ورزش کے باوجود جسم پر کوئی خاص فرق محسوس نہیں ہورہا۔ یہ یونہی نہیں ہوتا بلکہ اس میں بھی ہماری ہی غلطیاں ہوتی ہیں۔ آج ہم آپ کو ان ڈرنکس کے بارے میں بتانے جارہے ہیں جن کو اگر ورزش سے قبل پی لیا جائے تو آپ کے ورک آؤٹ کا کوئی فائدہ نہیں ہوتا۔ ان ڈرنکس کے بارے میں ذیل میں بتایا گیا ہے، آئیے جانتے ہیں۔ دودھ یا دودھ پر مشتمل اشیاء دودھ اور دودھ سے بنی ہوئی اشیاء مثلا ملک شیکس وغیرہ کا استعمال ورزش سے قبل ہرگز نہ کریں کیونکہ ان چیزوں میں پروٹین کی بھاری مقدار شامل ہوتی ہے جو ہضم ہونے میں کافی وقت لیتی ہے۔ جس کی وجہ سے آپ کی ورزش کا اثر اتنا زیادہ نہیں ہوتا جتنا آپ امید کرتے ہیں۔ ماہرین کے مطابق دودھ یا دودھ سے بنی ہوئی اشیاء کو استعمال کرنے کا صحیح وقت ورزش کے بعد ہوتا ہے۔ اسپورٹس ڈرنکس ورزش سے قبل آپ کو اسپورٹس ڈرنکس کا استعمال بھی قطعی نہیں کرنا چاہیئے کیونکہ اسپورٹس ڈرنکس میں شوگر کی بھاری مقدار پائی جاتی ہے جس سے آپ کا میٹابولزم متاثر ہوتا ہے۔ بہتر ہوگا کہ آپ اسپورٹس ڈرنکس کے استعمال کے بجائے گھریلو جوس وغیرہ کا استعمال کریں کیونکہ اس میں شوگر کی مقدار کم ہوتی ہے۔ الکحل اس بات سے تو آپ بخوبی واقف ہوں گے کہ الکحل آپ کے جسم کو ڈی ہائیڈریٹ کردیتا ہے۔ جس سے آپ کو اپنے جسم میں بھاری پن اور توانائی کا فقدان محسوس ہوتا ہے۔ اس کے علاوہ یہ آپ کے جسم پر انتہائی مضر اثرات بھی مرتب کرتا ہے۔ اسی لئے آپ کو الکحل کو بالکل چھوڑ دینا چاہیئے اور اگر آپ نے الکحل لے بھی رکھی ہے تو اس بات کو یقینی بنائیں کہ جم جانے سے قبل اس کا اثر مکمل ختم ہوچکا ہو۔ میٹھے پھلوں کے مشروبات پھلوں کا ورزش سے قبل استعمال ایک اچھا انتخاب ہے لیکن بازاروں سے جو پیک شدہ پھلوں کے مشروبات ملتے ہیں ان کا استعمال اتنا ٹھیک نہیں کیونکہ ان میں کارن سیرپ اور فروکٹوس جیسے اجزاء شامل ہوتے ہیں جن میں شوگر کی بھاری مقدار موجود ہوتی ہے۔ تاہم بازار سے پیک جوس خرید کر پینے سے بہتر ہے کہ گھر میں ہی پھلوں کا جوس نکال کر انہیں پیا جائے۔ سافٹ ڈرنکس الکحل کی طرح سافٹ ڈرنکس میں بھی شوگر کی ایک وافر مقدار موجود ہوتی ہے اور ساتھ ہی ان میں دوسرے ایسے اجزاء بھی شامل ہوتے ہیں جو ہمارے سسٹم کو نقصان پہنچاتے ہیں۔ ورزش سے قبل اس کا استعمال گیس، پیٹ کی خرابی اور ڈی ہائیڈریشن جیسی بیماریوں کو جنم دے سکتا ہے۔ تو آپ کو ورزش سے قبل سافٹ ڈرنکس سے بھی میلوں دور ہی رہنا چاہیئے۔ بشکریہ: بولی وڈ شادیز
