پاناما:باکسر محمد وسیم نے ایک اوررینکنگ فائٹ جیت کرپہلی پوزیشن مستحکم کرلی، پاکستانی باکسر نے پاناما کے باکسر ایون ٹیروس کو تیسرے راؤنڈ میں ناک آؤٹ کردیا۔

کوئٹہ سے تعلق رکھنے والے باکسرمحمد وسیم کی کامیابیوں کا سلسلہ جاری ہے،پاناما کے ایک اور باکسر کوناک آؤٹ کردیا۔

پاناماسٹی میں ہونے والے مقابلے میں محمد وسیم آغاز سے ہی حاوی نظرآئے اورمخالف باکسر پرمکوں کی بارش کردی۔

محمد وسیم نے ایون ٹیروس کو تیسرے ہی راؤنڈ میں ناک آؤٹ کرکے اپنی پہلی پوزیشن کو مزید مستحکم کرلیا۔

محمد وسیم نے رواں ماہ پاناما کے باکسرایلیسروالڈیزکو بھی شکست دی تھی،وسیم نے 2016میں جیتھرا ولیواکو شکست دے کر ڈبلیو بی سی فلائی ویٹ سلورٹائٹل جیتا تھا۔

وسیم 2016کے ایشین گیمز میں برونز میڈل بھی جیت چکے ہیں۔