ایک آئیڈیل جسامت ہر انسان کی خواہش ہوتی ہے لیکن اپنی ہی کچھ غلطیوں کی وجہ سے انسان اپنے وزن میں اضافہ کر بیٹھتا ہے اور چاہتے ہوئے بھی پھر اس وزن کو گھٹانا اس کے لئے ایک مشکل ترین عمل بن جاتا ہے۔ آج ہم آپ کو وہ چیزیں بتانے جارہے ہیں جو آپ کے وزن کے گھٹاؤ میں سب سے بڑی رکاوٹ ہیں اور ان سے اجتناب وزن گھٹانے کے لئے لازم ہے۔ ایک ہی جگہ گھنٹوں تک بیٹھنا وزن کم کرنے میں رکاوٹ بننے والی چیزوں میں آپ کا ایک ہی جگہ گھنٹوں تک بیٹھنا بھی شامل ہے۔اکثر انسانوں کی یہ عادت ہوتی ہے کہ وہ گھنٹوں لیپ ٹاپ لے کر بیٹھے رہتے ہیں یا ایک ہی جگہ بیٹھ کر بہت دیر تک ٹی وی دیکھتے رہتے ہیں۔ ایک تحقیق سے یہ بات ثابت ہوئی ہے کہ اگر انسان 3 گھنٹے ایک ہی جگہ بیٹھا رہے تو آدھا گھنٹہ روزانہ جِم کرکے بھی اس سے کوئی افادیت حاصل نہیں کرسکتا۔بہت دیر تک ایک جگہ بیٹھنے سے انسان کے مسلز کام نہیں کرتے جس کی وجہ سے جسم میں موجود فیٹ نہیں جل پاتا اور وزن میں بتدریج اضافہ ہوتا رہتا ہے۔ بہت زیادہ دیر تک جاگنا اگر آپ رات کو بہت زیادہ دیر تک جاگتے ہیں تو یہ بھی آپ کا وزن بڑھنے کی وجہ ہے کیونکہ جو افراد رات کو زیادہ دیر تک جاگتے ہیں وہ اپنے شوگر لیول کو کم نہیں کر پاتے جس کی وجہ سے بھی وزن میں اضافہ ہوتا ہے۔ کھانا کھاتے ہی لیٹ جانا اگر آپ کھانا کھاتے ہی لیٹ جاتے ہیں تو یہ بھی آپ کے وزن میں اضافے کی ایک بہت بڑی وجہ ہے اسی لئے طبی ماہرین بھی اس بات کی تنبیہ کرتے ہیں کہ رات کا کھانا کم سے کم سونے سے 3 گھنٹے پہلے کھا لینا چاہیئے۔ کھانا ترک کرنا اگر آپ یہ سوچ کر دن کے کسی وقت کا کھانا ترک کرتے ہیں کہ اس سے آپ کے وزن میں واقع ہوگی تو آپ غلط سوچتے ہیں کیونکہ کھانے میں شامل معدنیات کی ہمارے جسم کو ضرورت ہوتی ہے۔ اگر ہم کھانا نہیں کھائیں گے تو ہمارے میٹا بولزم کا عمل سستی کا شکار ہوجائے گا اور ہمارا جسم فیٹ کو جلانے کے بجائے اسے جمع کرنا شروع کردے گا۔ اس بات کا بھی امکان ہے کہ جب آپ ایک وقت نہیں کھائیں گے تو دوسرے وقت خود بخود زیادہ کھائیں گے جس کی وجہ سے وزن میں اضافہ ہی ہوگا۔ ڈائٹ مناسب نہ ہونا اگر آپ کی ڈائٹ میں کیلشیم، پروٹین یا آئرن کی مقدار کم ہے تو آپ اپنے میٹابولزم کے ساتھ زیادتی کر رہے ہیں کیونکہ میٹابولک سسٹم کو صحیح طرح کام کرنے کے لئے ان تمام چیزوں کی ضرورت ہوتی ہے۔ اور اگر میٹابولک سسٹم صحیح طرح کام نہیں کرے گا تو آپ کے وزن میں اضافہ ہی ہوگا اسی لئے اپنی ڈائٹ پر خصوصی توجہ دیں۔ فیٹس سے بھرپور غذا کا استعمال
