شادی ایک مقدس رشتہ ہے، اور پوری دنیا میں اس دوران کئی طرح کی رسومات ادا کی جاتی ہیں۔ انہیں رسومات میں سے چند عجیب اور ماورائے سوچ رسومات آپ کی خدمت میں پیش ہیں۔
٭ آنسوؤں بھری رخصتی
چین کے مختلف علاقوں میں رواج ہے کہ دلہن رخصتی سے قبل ہر دن روتی ہے تاکہ اپنے پیاروں سے بچھڑنے کے احساس کو جتایا جاسکے۔ اس میں دلہن کی ماں ، دادی، اور دیگر قریبی رشتہ دار خواتین بھی شامل ہوتی ہیں۔
٭ کاجل یا کالک مَلنا
اسکاٹ لینڈ لکے چند مخصوص علاقوں میں دلہن اور دولہا کے پورے جسم پرشادی سے ایک دن پہلے کاجل، شیرا اور آٹا لیپ دیا جاتا ہے۔ اسکاٹش باشدوں کا ماننا ہے کہ اس سے بلائیں دور ہو جاتی ہیں۔
٭ رسمی تھوک
کینیا میں ماسائی دلہن کا باپ دعاؤن کے طور پر دلہن کے منہ اور چھاتی پر تھوکتا ہے۔ ساتھ ہی دلہن کو تنبیہ کی جاتی ہے کہ سسرال میں جاتے قت مڑ کر نہ دیکھے ورنہ پتھر کی ہو جائے گی۔
٭ ٹوٹے برتن، جُڑتے دل
جرمنی میں شادی سے ایک رات پہلے مہمان ہونے والے دلہن دولہا کے دروازے کی چوکھٹ پٹ پر چینی اور پورسیلین کے برتن توڑتے ہیں۔ مانا جاتا ہے کہ یہ جوڑے کو خوش بختی بخشتا ہے ساتھ ہی اس کی کرخے آواز شیطانی روحوں کو بھگا دیتی ہے۔
٭ بیت الخلاء جانا منع ہے
انڈونیشیا کی ٹیڈونگ کمیونٹی میں شادی شدہ جوڑا شادی کے تین دن بعد تک بیت الخلاء نہیں جا سکتا۔ مانا جاتا ہے کہ اگر یہ رواج ٹوٹ جائے تو بد قسمتی ان کے گھر ڈیرہ ڈال لیتی ہے، جس سے شادی کا ٹوٹنا، نوزائیدہ بچوں کی موت جیسے واقعتا جنم لیتے ہیں۔
٭ مسکرانا منع ہے
کانگو میں شادی کو ایک سنجیدہ اور پروقار رشتہ مانا جاتا ہے اور دلہن دولہا کو شادی کے دوران ہنسنے یا مسکرانے کی اجازت نہیں ہوتی۔
٭ جوتا چھپائی
بھارت میں دلہن کی بہنیں دولہا کے جوتے چھپا دیتی ہیں اور اس کے بدلے میں رقم طلب کرتی ہیں۔ یہ رواج پاکستان میں بھی ہے۔
