امریکی صدر ڈونلڈ ٹرمپ کا کہنا ہے کہ امریکا شمالی کوریا کے جوہری پروگرام کو روکنے کیلئے پرعزم ہے اگر چین امریکا کا ساتھ نہیں دیتا تو یہ کسی کیلئے اچھا نہیں ہوگا۔

ڈونلڈ ٹرمپ نے برطانوی اخبار فائنینشل ٹائمز کو انٹرویو دیتے ہوئے  کہا کہ اگر چین شمالی کوریا کا مسئلہ حل نہیں کرتا تو ہم کریں گے امریکا چین کے بغیر بھی شمالی کوریا کی جانب سے جوہری قوانین کیخلاف ورزی  کے مسئلے کو حل کرلے گا۔

انہوں نے کہا کہ چین کو فیصلہ کرنا ہوگا کہ وہ ہمارے ساتھ ہے کہ نہیں۔

امریکی صدر ایک بار پھر اپنے ہیلتھ کیئر ایکٹ  کی حمایت حاصل کرنے میں مصروف ہیں ۔

واشنگٹن میں  گولف میچ کے دوران ہیلتھ کئیر کے متبادل کے نقاد سینیٹر رینڈ پال سے ملاقات میں  کہا کہ  ان کا ہیلتھ کیئر ایکٹ ختم نہیں ہوا ہے۔