فائل فوٹو

:قورمہ بنانے کے لیے

گائے کا گوشت                                     1 کلو

تیل                                                  آدھا کپ

ثابت گرم مصالحہ                                  آدھا کپ

پیاز                                                   2 عدد

ادرک لہسن کا پیسٹ                                 2 کھانے کے چمچ

دہی                                                   آدھا کلو

ہلدی                                                   1 چائے کا چمچہ

کٹی کالی مرچ                                        آدھا چائے کا چمچہ

پسا سفید زیرہ                                         1 چائے کا چمچہ

کٹی لال مرچ                                          2 کھانے کے چمچے

پسا دھنیا                                              آدھا چائے کا چمچہ

جائفل جاوتری والا گرم مصالحہ پاؤڈر               1 چائے کا چمچہ

نمک                                                  حسب ذائقہ

ہری مرچ                                              5 سے 6 عدد

بریانی ایسنس                                          چند قطرے

زردے کا رنگ                                       1 چٹکی

:چاول بنانے کے لیے

(چاول                                                   آدھا کلو (سیلا

ثابت گرم مصالحہ                                     آدھا کپ

نمک                                                    حسب ذائقہ

:ترکیب

سب سے پہلے ایک پتیلی میں پانی ڈالیں اور اس کو ابال لیں۔

اب اس میں نمک اور ثابت گرم مصالحہ کی پوٹلی بنا کر شامل کریں۔

جب خوشبو آنے لگے تو اس میں چاول شامل کرکے 1 کنی ابال لیں۔

پھر چھان کر ایک طرف رکھ دیں۔

اب قورمہ بنانے کے لئے پہلے ایک پتیلی میں تیل گرم کریں اور اس میں ثابت گرم مصالحہ شامل کریں۔

جب کڑکڑانے لگے تو اس میں پیاز ڈال کر براؤن کر لیں اور نکال کر ایک طرف رکھ دیں۔

اب اس میں گوشت اور ادرک لہسن کا پیسٹ شامل کرکے بھونیں۔

پھر دہی، پسی ہلدی، کالی مرچ، سفید زیرہ، کُٹی لال مرچ، پسا دھنیا، جائفل جاوتری والا گرم مصالحہ پاؤڈر اور نمک شامل کرکے اچھی طرح پکائیں۔

اب حسب ضرورت پانی شامل کرکے اچھی طرح مکس کریں اور گوشت گلنے تک پکنے دیں۔

آخر میں ہری مرچ اور بریانی ایسنس شامل کرکے پکائیں۔

تہہ لگانے کے لیے: پہلے ایک پتیلی میں قورمہ کی تہہ لگائیں۔

اب اس پر آدھے چاول ڈال دیں۔

پھر مصالحہ ڈالیں اور براؤن پیاز بھی  ڈال دیں۔

پھر چاول ڈالیں اور زردے کا رنگ پانی میں گھول کر ڈالیں اور دم پر لگا دیں۔

دم پورا ہو جائے تو رائتے اور سلاد کے ساتھ سرو کریں۔