صاف ستھرا اور خوشبودار گھر ہر کسی کو پسند ہوتا ہے۔ لیکن آج کل کی مصروف زندگی کے باعث روزانہ گھر کی مکمل صفائی ممکن نہیں ہے۔

لیکن اگر گھر میں استعمال ہونے والی چند اشیاء کو روز صاف نہیں کیا جائے تو ان چیزوں میں بدبو پیدا ہوجاتی ہے۔

ذیل میں صفائی کرنے کے لئے گھر میں جو اشیاء استعمال ہوتی ہیں ان کا ذکر کیا جارہا ہے۔ گھر کی صفائی کے لئے ان چیزوں کا صاف ہونا بھی لازم و ملزوم ہے۔

وہ اشیاء کون سی ہیں، آئیے جانتے ہیں تاکہ آئندہ آپ بھی ان کی صفائی کا خاص خیال رکھیں۔

٭ کچن ٹاولز

کچن ٹاولز زیادہ استعمال ہونے کے باعث جلدی گندی ہوجاتی ہیں۔ گھر میں موجود باتھ ٹاولز اور کچن ٹاولز کو ہر تھوڑے بعد تبدیل کریں۔ اگر آپ کی فیملی بڑی ہے تو ان تولیوں کو روزانہ دھوئیں۔

٭ چابیاں

چابیوں میں زمانہ بھر کے جراثیم موجود ہوتے ہیں کیونکہ چابیوں کی صفائی پر کوئی توجہ نہیں دیتا۔ چابیوں کو اینٹی سیپٹک وائپس سے صاف کرنا چاہیئے تاکہ اس میں موجود تمام جراثیموں کا خاتمہ ہوجائے۔

٭ باتھ روم ٹائلز

باتھ روم ٹائلز کے درمیان گندگی کو جمنے سے بچانے کے لئے ان کو روزانہ بلیچ سے صاف کریں اور اپنے باتھ روم کو خشک رکھیں تاکہ اس میں جراثیم اور پھپھوندی نہیں لگے۔

٭ کچن اسفنج

کچن اسفنج کا شمار کچن کی سب سے گندی چیزوں میں ہوتا ہے۔ اس کی صفائی نہیں کی جائے تو اس میں سے بدبو پیدا ہوجاتی ہے۔ اسفنج کو مائیکروویو میں رکھ کر اچھے طریقے سے صاف کیا جاسکتا ہے۔

٭ سینک

ہاتھوں اور برتوں کی صفائی کے بعد سینک کی صفائی بھی لازمی ہے۔

٭ پانی میں ڈوبے گندے برتن

برتنوں کو اگلے دن تک دھونے کے لئے رکھ دینا بالکل بھی اچھا آئیڈیا نہیں ہوتا۔ اس سے آپ کے کچن میں بدبو اور کیڑے پیدا ہوسکتے ہیں۔ کھانے کے بعد برتن دھو لینے سے کچن صاف ستھرا لگتا ہے۔

٭ کٹنگ بورڈ

اگر آپ لکڑی سے بنا کٹنگ بورڈ استعمال کرتے ہیں تو اس کو سرکے اور پانی کے ساتھ ملا کر روزانہ صاف کیا کریں تاکہ اس میں پھپھوندی نہیں لگے۔