ایک بار پھر کائنات کی سب سے خوبصورت خاتون کے انتخاب کا میلہ سجااور فرانس  کی حسینہ آئرس متیرینی نے مس یونیورس2016 'کا خطاب اپنے نام کرلیا۔

فلپائن کے شہر منیلا میں منعقد ہونے والے مس یونیورس مقابلے میں آئرس کو کائنات کی سب سے خوبصورت خاتون قرار دیا گیا اور اس کے لیے ان کی تاج پوشی کی گئی۔

انہوں نے یہ مقابلہ 85 ممالک کی خواتین کو مات دے کر جیتا،آئرس ڈینٹل(دندان سازی) کے شعبےکی طالبہ  ہیں اور ان کا کہنا ہے کہ وہ مس یونیورس بننے کے بعد اسی شعبے میں کچھ کرنا چاہتی ہیں۔

مقابلے کے دوران 24 سالہ مس ہیٹی  ریکویل  دوسرے نمبر پر  اور 23 سالہ مس کولمبیا اینڈریا ٹور تیسرے نمبر پر رہیں۔

واضح رہے کہ فلپائن میں ہی انڈیا کی سشمیتا سین نے سنہ 1994 میں یہ خطاب اپنے نام کیا تھا ،اس بار وہ اس  مقابلے میں بطور جج شریک ہوئی تھیں۔

مقابلے کے میزبان اسٹیو ہاروے جو   گزشتہ برس  غلطی سے مس فلپائن کی جگہ   مس یونیورس کاتاج مس کولمبیا کو  دے کر انہیں اب تک کی سب سے مشہورخاتون   کاخطاب دلوانے میں کامیاب ہوئے ،اس بار بھی میزبانی کے فرائض انہوں نے ہی انجام دئیے۔

بشکریہ:بولی وڈ لائف ڈاٹ کام