اپنے آپکو دن بھر صحت مند رکھنے کے لئے روزانہ کی بنیاد پر کیسی غذا لیتے ہیں اسکے بارے میں آپکو پتہ ہونا چاہئے۔ آئیے ہم آپکو بتاتے ہیں کہ کونسی غذا آپکے لئے صحت بخش اور کونسی نقصان دہ ہے۔

دودھ کا گلاس:دودھ قدرت کا دیا ہوا ایسا انمول تحفہ ہے جسکی افادیت سے انکار ممکن نہیں ۔لیکن اس میں کافی زیادہ چربی پائی جاتی ہے جو بڑھتی ہوئی خواتین کے لئے نقصان دہ ہے اگر آ پکا وزن بڑھ رہا ہے تو آپ اپنی روٹین چیک کریں، اگر آپ صبح ناشتے میں اور رات کو سوتے ہوئے دودھ پینے کے عادی ہیں تو اسے دن میں صرف ایک ٹائم کردیں۔

کھانے کے بعد کچھ میٹھا لینے کی عادت:کچھ لوگوں کو عادت ہوتی ہے کہ وہ کھا نے کے بعد کچھ میٹھا کھانے کے عادی ہوتے ہیں۔جسم میں چینی کی زیادہ مقدار آپکی صحت کے لئے بہت زیا دہ نقصان دہ ہے اسکے علاوہ اس سے ذیا بطیس جیسی خطرناک بیماری کے ہونے کا اندیشہ ہوتا ہے۔

آلو کا زیادہ استعمال:حالیہ تحقیق سے یہ بات ثابت ہو چکی ہے کہ غذا میں آلو کازیا دہ استعمال وزن کو بڑھا نے کی وجہ بنتا ہے،اسکے علاوہ یہ بادی بھی ہوتا ہے جو معدے کے لئے نقصان دہ ہوتا ہے۔ اگر آپ آلوکی جگہ ہری سبزیوں کا استعمال اپنی خوراک میں بڑھادیں گے تو آپ لمبے عرصے تک پیٹ کی بیماریوں سے محفوظ رہ سکتے ہیں۔

تلی ہوئی اشیائ:چپس ،تلے ہوئے پکوڑے، تلی ہوئی مچھلی یا کھانے میں تیل کا ذیادہ استعمال آپکی صحت کے لئے نہایت نقصان دہ ہے اگر آپکو تلے ہوئے کھانے کھانے کا شوق ہے تو سمجھ لیں کہ آپ زہر کھا رہے ہیں ۔آپکو فوراً اپنی خوراک سے ان اشیاءکو ترک کرنا ہوگا۔