سشمیتا سین اب مس یونیورس کی جج
انڈیا کی سابق ملکۂ یونیورس اور بولی وڈ اداکارہ سشمیتا سین نے بتایا ہے کہ وہ سنہ 2017 کے مس یونیورس مقابلوں میں بطور جج حصہ لیں گی۔
خیال رہے کہ انہیں فلپائن کے دارالحکومت منیلا میں 23 سال قبل سنہ 1994 میں مس یونیورس کا تاج پہنایا گیا تھا۔
انہوں نے اپنے ٹویٹر اکاؤنٹ پر اس خبر کی تصدیق کی ہے اور 23 سال بعد اسی جگہ جانے پر اپنے جذبات پر قابو رکھنے سے قاصر نظر آ رہی ہیں جہاں انہیں کائنات کی حسین ترین دوشیزہ کا تاج پہنایا گيا تھا۔
انہوں نے لکھا: 'جھومتے دل کے ساتھ وہاں جانے کی تیاری کر رہی ہوں۔ میں بہت پرجوش ہوں اور 23 سال بعد فلپائن کے اسی گھر لوٹنے پر اپنے جذبات پر قابو نہیں رکھ پا رہی ہوں۔‘
انہوں نے اپنے انسٹا گرام پر لکھا: یہ وہی جگہ ہے جہاں سنہ 1994 میں سب کچھ شروع ہوا تھا اور اس کے ساتھ انہوں نے مس یونیورس 1994 کو ہیش ٹیگ کیا ہے۔
انہوں نے مزید لکھا: 'زندگی نے اپنا چکر پورا کر لیا ہے۔ پہلے مس یونیورس کا خطاب جیتنا پھر اس کی انڈین فرینچائز لینا اور پھر ایک جج کی حیثیت سے 65 ویں مس یونیورس کے لیے منیلا جانا۔ میں اپنے تمام چشم براہ فلپائنی دوستوں کو اب یہ کہہ سکتی ہوں کہ ہاں یہ مصدقہ ہے۔ ہاں! میں آ رہی ہوں! محل کیتا فلپائن جلد ہی تمہیں دیکھوں گی۔'
انڈیا کی خبر رساں ایجنسی پی ٹی آئی کے مطابق رواں سال انڈیا کی جانب سے اس مقابلۂ حسن میں روشمیتھا ہری مورتھی شرکت کر رہی ہیں۔ اور مس یونیورس کا یہ مقابلہ رواں سال 30 جنوری کو ہو رہا ہے۔
بشکریہ:بی بی سی اردو
پاکستانی اداکار پر بالی ووڈ کا بھوت سوار، اڑتے جہاز میں شادی کی پیشکش کردی
نرگس اور سنیل دت کی شادی میں راج کپور نے خود پر تشدد کیوں کیا؟
مہاتما گاندھی پاکستان کے ’بابائے قوم‘ تھے، بھارتی گلوکار کا نیا شوشہ
علیزے شاہ کا ڈرامے کے سیٹ پر اداکارہ سے شدید جھگڑا، ایف آئی آر درج
الوارجن کے گھر پر حملہ آور 6 افراد رہا
Comments are closed on this story.