کئی ماہ تک کوئی بھی لہنگا پسند نہ آیا توبھارت کی ایک فیشن ڈیزائنر نے اپنے لہنگے کی تیاری کیلئے ایسا آئیڈیا استعمال کیا کہ جسے دیکھنے والے دنگ رہ گئے۔

کریشا بجاج نامی بھارتی فیشن ڈیزائنر کا کہنا ہے کہ کئی ماہ تک شادی کا جوڑا پسند نہ آنے کی صورت میں خود لہنگا ڈیزائن کیا اور روایتی ڈیزائن اور ایمبرائڈری کے بجائے اس پر اپنی لواسٹوری نقش کردی۔

وہ پسندیدہ مقام، پسندیدہ مشروب جیسی چیزیں انہوں نے اپنے شادی کے لہنگے پر ڈیزائن کر کے پہلے شادی کے شرکا اور بعدازاں سوشل میڈیا پر پوسٹ کر کے دنیا کو بھی حیران کردیا۔

ان کا کہنا ہے کہ میں جانتی تھی کہ لہنگا ایسی چیز ہے جو پوری زندگی میں ایک بار پہنا جائے گااس لئے میں نے اپنے لہنگے کو آرٹ ورک میں تبدیل کردیا۔ میں نے روائتی طریقے اور مواد کا استعمال کر کے ہم دونوں کے نام ،ہماری سٹوری کی تصاویر اور پانی سے ابھرتی ہوئی ایک ڈولفن سمیت سب کچھ ایمبرائیڈری کے طریقے سے اپنے لہنگے پر نقش کردیا ہے۔

بشکریہ انڈیا ٹوڈے