اکثر آپ نے محسوس کیا ہوگا کہ کام کے دوران آپ پر نیند غلبہ ہوتا  ہے اور آپ جمائیاں لینا شروع کر دیتے ہیں۔ پھر آپ کو سستی دور کرنے کیلئے چائے یاکافی کی ضرورت محسوس ہوتی ہے۔ کافی آپ کو وقتی طور پر توانائی ضرور دیتی ہے لیکن کافی کے کچھ صحت مند متبادل بھی موجود ہیں جو آپ کو جگائے رکھنے میں کافی مددگار ثابت ہونگے۔

تخم بالنگا کے بیج

تخم بالنگا میں اومیگا-3 فیٹی ایسڈ کی وافر مقدار پائی جاتی ہے جو 'برین بوسٹرز' سمجھے جاتے ہیں۔ یہ بیج آپ کی سستی کو دور کرتے ہیں اور آپ کو الرٹ بنائے رکھتے ہیں۔ تخم بالنگا اپنی جسامت سے دس گنا ذیادہ پانی خود میں جذب کر سکتا ہے۔ جب آپ میں پانی کی کمی ہوتی ہے  یہ آپ کے ہاضمے کو بڑھاتا ہے اور توانا محسوس کرواتا ہے۔ اس کو اپنے مشروبات یا دہی میں شامل ضرور کریں۔

ٹھنڈا پانی

 بہت سے لوگ اپنے  دن کی شروعات  بغیر پانی پی کرتے ہیں جس سے رات بھر ہونے والی پانی کی کمی اپ کے دماغ پر اثر انداز ہو سکتی ہے۔ ٹھنڈا پانی آپ کے احساسات کو جگائے رکھتا ہے اور آپ کے خشک خلیات کو تازگی بخش کر متحرک کرتا ہے۔ آپ چاہیں تو اس  میں لیموں یا کوئی اور چیز شامل کر سکتے ہیں۔

دلیا

دلیا ایک بہترین توانائی کا زریعہ ہے۔ یہ جلدی ہضم نہیں ہو تا اور آپ کے میٹابولزم کو چارج کر کے آپ کو سارا دن توانائی پہنچاتا ہے۔ اپنی غذا میں دلیا ضرور شامل کریں۔

ہری اور پتے والی سبزیاں

پالک، بند گوبھی اور ایسی ہی دوسری سبزیاں آپ کو سست محسوس کرنے سے بچا سکتی ہیں۔ ہری سبزیوں میں وٹامن-بی موجود ہاتا ہے جو آپ کی غذا کوتوانائی میں بدلتا ہے۔ سلاد کا استعمال شروع کریں یہ آپ کو نیند سے جگائے رکھنے میں مددگار ثابت ہوگا۔

انڈے

انڈہ ابلا ہوا ہو یا کسی بھی صورت میں۔ یہ آپ کے ناشتے کا سب سے صحت مند جزو ہے۔ انڈے کی زردی ضرور کھائیں کیونکہ اس میں موجود پروٹین آپ کے جسم کو ذیادہ دیر تک چارج رکھتے ہیں۔ ایک مکمل اور متناسب ناشتے کیلئے انڈے کے ساتھ سبزیاں شامل کریں۔

چاکلیٹ ملک

دودھ میں تھوڑی سی چاکلیٹ ملائیں اور آپ کا لذیذ اور توانائی سے بھرپور چارجر تیار ہے۔ دودھ میں موجود کیلشئم آپ کو تازگی اور فرحت بخشتا ہے ساتھ ہی چاکلیٹ آپ کے موڈ کوخوشگوار بنا دیتی ہے۔

بشکریہ ٹائمزآف انڈیا