Aaj News

ہفتہ, مئ 03, 2025  
06 Dhul-Qadah 1446  

ملک میں غیر قانونی رہائش پذیر افغان باشندوں کی بے دخلی کا سلسلہ جاری

یکم اپریل سے تاحال 46 ہزار 116 غیر قانونی مقیم افغان شہریوں بے دخل کیا جا چکا ہے
اپ ڈیٹ 18 اپريل 2025 10:17pm

ملک میں غیر قانونی رہائش پذیر افغان باشندوں کی بے دخلی کا سلسلہ جاری ہے، گزشتہ روز پاک افغان بارڈر طورخم سے 2 ہزار 356 غیر قانونی مقیم افغان شہریوں کو بے دخل کیا گیا۔

پاک افغان بارڈر طورخم کے راستے غیر قانونی مقیم افغان شہریوں کی دخلی کا سلسلہ جاری ،،ڈپٹی کمشنر خیبر کے مطابق گذشتہ روز 2 ہزار 356 غیر قانونی رہائش پذیر افغان شہری ملک بدر ہوئے۔

ملک بدر افغان شہریوں میں سے 2 ہزار 394 افغان شہری لنڈی کوتل ٹرانزٹ کیمپ آئے، قانونی کارروائی پوری ہونے کے بعد انہیں طورخم سرحد کے راستے ڈی پورٹ کیا گیا۔

افغان وفد کی ملاقاتیں، پاکستان نے مہاجرین کیلئے رعایت سے انکار کردیا

پنجاب کے مختلف اضلاع اور آزاد کشمیر سے گرفتار 712 افغان شہریوں کو سیدھا طورخم سرحد منتقل کرکے ڈی پورٹ کیا گیا ہے۔

ذرائع کے مطابق یکم اپریل سے لیکر اب تک 46 ہزار 116 غیر قانونی مقیم افغان شہریوں کو بے دخل کیا جاچکا ہے۔

Pakistan Deporting Illegal Afghan Immigrants

Afghan Deportation

Afghan Citizen Card Holder