Aaj News

اتوار, مئ 04, 2025  
06 Dhul-Qadah 1446  

موٹروے پر دوران ڈرائیونگ رقم گننا مہنگا پڑ گیا، بس ڈرائیور گرفتار

بس ڈرائیور کیخلاف تھانہ لکسیاں میں ایف آئی آر درج کی گئی، ذرائع
شائع 18 اپريل 2025 11:32am
فائل فوٹیج
فائل فوٹیج

موٹروے پر دوران ڈرائیونگ نوٹ گننے والے ڈرائیور کو پولیس نے گرفتار کر کے مقدمہ درج کر لیا۔

ترجمان موٹرویز پولیس کے مطابق موٹروے ایم 2 سیال موڑ پر دوران ڈرائیونگ رقم گننے والے بس ڈرائیور کو گرفتار کر لیا گیا۔ سوشل میڈیا پر وائرل ویڈیو میں بس ڈرائیور بس چلاتے ہوئے نوٹ گن رہا تھا۔

ویڈیو وائرل ہونے کے بعد پولیس نے کارروائی کر کے ڈرائیونگ کرنے والے ڈرائیور خالد جاوید کیخلاف تھانہ لکسیاں میں ایف آئی آر درج کی جس کے بعد اسے حوالات میں بند کردیا گیا۔

ترجمان موٹرویز پولیس سید عمران احمد کا کہنا ہے کہ بس ڈرائیور کی لاپرواہی شہریوں کے لیے نہایت خطرناک اور قیمتی جانوں کے ضاع کا سبب بن سکتا تھا۔

BUS DRIVER ARREST

MOTORWAY POLICE ACTION

Counting money