سکھر بیراج کے گیٹ نمبر ایک میں نایاب نسل کی اندھی ڈولفن مردہ پائی گئی، مردہ ڈولفن کئی گھنٹے گیٹ میں پھنسی رہی، وائلڈ لائف عملے نے باہر نکالا۔

سکھر بیراج کے گیٹ نمبر ایک میں نایاب نسل کی اندھی ڈولفن مردہ حالت میں پائی گئی۔

اطلاعات کے مطابق، ڈولفن کئی گھنٹوں تک گیٹ میں پھنسی رہی، جس کے بعد وائلڈ لائف کے عملے نے مردہ ڈولفن کو باہر نکالا۔

وائلڈ لائف ذرائع کا کہنا ہے کہ اپ اسٹریم میں پانی کی شدید کمی کے باعث دریائے سندھ میں اندھی ڈولفنز کی اموات کا سلسلہ جاری ہے۔

ماہرین کے مطابق پانی کی سطح میں کمی سے نہ صرف ڈولفنز کی نقل و حرکت متاثر ہو رہی ہے، بلکہ انہیں خوراک کی فراہمی میں بھی دشواری کا سامنا ہے۔

اندھی ڈولفن، جو دریائے سندھ میں پائی جانے والی دنیا کی چند نایاب ترین آبی مخلوقات میں شمار ہوتی ہے، ماحولیاتی تبدیلیوں اور پانی کی قلت کے باعث مسلسل خطرے میں ہے۔