کراچی میں ہیوی ٹریفک کے خونی وار جاری ہیں۔ گلبائی چوک پر ٹرک نے راہ گیر خاتون کو کچل دیا۔

ادھر کراچی کے علاقے سائٹ ایریا غنی چورنگی کے مقام پر ٹرک اور ٹریلر کے آپس کے تصادم میں ایک شخص جاں بحق اور ایک زخمی ہوگیا۔

دس اپریل کی رات سرجانی میں جلائے گئے ٹینکرزکی سی سی ٹی وی فوٹیج منظر عام پر آئی ہے جس میں نامعلوم افراد آگ لگاتے دیکھے جا سکتے ہیں۔

ادھر کراچی میں تیز رفتار ڈمپر ایک اور موٹرسائیکل پر چڑھ دوڑا۔ لانڈھی کے علاقے علی گوٹھ پر حادثے میں ایک موٹرسائیکل سوار شدید زخمی ہوگیا جبکہ دو نوجوان حادثے میں محفوظ رہے۔

حادثہ پیش آنے کے بعد ڈمپر ڈرائیور فرار ہوگیا۔