چشتیاں کے نواحی علاقے بستی لودھراں میں بچوں کی لڑائی میں بڑے کود پڑے۔

مشتعل پڑوسیوں نے گھر پر دھاوا بول کر خواتین کو تشدد کا نشانہ بنایا اور پھر گھر کو آگ لگادی۔

پولیس نے واقعے کا مقدمہ درج کر کے ملزمان کی تلاش شروع کردی۔

ذرائع کے مطابق مقدمے میں کہا گیا کہ مشتعل پڑوسیوں نے لڑائی کے بعد صائمہ نامی خاتون کے گھر کو آگ لگادی، مشتمل افراد نے آگ لگانے سے پہلے گھر پر دھاوا بولا اور دروازے بھی توڑے۔

درج مقدمے میں کہا گیا کہ آگ لگنے کے باعث تمام گھریلوں سامان جل کر خاکستر ہوگیا ، مشتعل افراد نے خواتین پر ٹنڈوں سے تشدد بھی کیا۔