وزیرداخلہ محسن نقوی نے کہا ہے کہ شہید کیپٹن محمد علی قریشی نے دہشتگردوں کے مذموم عزائم کو ناکام بنایا، ان کی قربانی کو ہمیشہ یاد رکھا جائے گا۔

ذرائع کے مطابق وزیرداخلہ محسن نقوی نے لاہور میں شہید کیپٹن محمد علی کی رہائش گاہ آمد کی جہاں انہوں نے شہید کیپٹن کی والدہ کو دلاسہ دیا اور شہید کو خراج عقیدت اور ایصال ثواب کیلئے دعا کی۔

وفاقی وزیر داخلہ محسن نقوی نے عید پر شہدائے وطن کو سلام کیا۔ وزیرداخلہ کی لاہور ریلوے آفیسرز کالونی والٹن آمد پر بلوچستان میں دہشت گردوں کیخلاف بہادری سے لڑنے والے شہید کیپٹن محمد علی قریشی کے خاندان سے ملاقات ہوئی جس میں والدہ، اہلیہ، معصوم بیٹی،انکل اور دیگر اہل خانہ موجود تھے۔

وزیرداخلہ محسن نقوی نے شہید کیپٹن محمد علی قریشی کی عظیم قربانی کو زبردست الفاظ میں خراج عقیدت پیش کرتے ہوئے کہا کہ ہماری سوچ علی سے شروع ہوتی تھی اور علی پر ہی ختم ہوتی تھی’۔

سندھ کی ترقی سے ہی پاکستان کی ترقی جڑی ہے، وزیراعظم شہباز شریف

اس دوران والدہ اپنے شہید بیٹے کو یاد کرتے ہوئے آبدیدہ ہو گئیں۔ معصوم بیٹی آیانا والد کی تصویر کو چومتی رہی اور والد کو ملنے والا میڈل گلے میں ڈال لیا۔ وزیرداخلہ محسن نقوی نے شہید کیپٹن محمد علی قریشی کی والدہ کو دلاسہ دیا اور دلجوئی کی۔

وزیرداخلہ محسن نقوی نے شہید کیپٹن محمد علی قریشی کے اہل خانہ کے ساتھ وقت گزارا اور شہید کی بہادری کو سراہا۔

وزیر داخلہ محسن نقوی نے شہید کیپٹن محمد علی قریشی کی روح کے ایصال ثواب کیلئے دعا کی۔ اس موقع پر وزیرداخلہ محسن نقوی کا کہنا تھا کہ شہید کیپٹن علی قوم کا ہیرو ہے اور ان کے خاندان کا ہر طرح خیال رکھا جائے گا۔

شہید کیپٹن محمد علی قریشی نے بہادری سے مقابلہ کرتے ہوئے دہشتگردوں کے مذموم عزائم کو ناکام بنایا۔ شہید کیپٹن محمد علی قریشی کی لازوال قربانی کو قوم ہمیشہ یاد رکھے گی۔

ان کا کہنا تھا کہ شہید کیپٹن محمد علی قریشی نے وطن عزیز کی خاطر جان نچھاور کی۔ شہید کیپٹن محمد علی قریشی وطن کا بہادر سپوت جس کی جرات کو سلام پیش کرتے ہیں۔ کیپٹن علی کی قربانی پاک فوج اور پوری قوم کی دہشت گردی کے خلاف ناقابل شکست عزم کی علامت ہے۔ کیپٹن محمد علی قریشی 26 اگست 2024 کو بلوچستان میں دہشت گردوں کیخلاف بہادری سے لڑتے ہوئے شہید ہوئے تھے۔