وزیر اعظم شہباز شریف ہفتے کے روز سعودی عرب کا اہم دورہ مکمل کرنے کے بعد اسلام آباد واپس پہنچ گئے۔ ریڈیو پاکستان کے مطابق، اس دورے کے دوران وزیر اعظم نے اعلیٰ سطحی ملاقاتیں کیں جن کا مقصد تجارتی تعلقات کو فروغ دینا، اہم شعبوں میں شراکت داری کو مضبوط کرنا اور دونوں ممالک کے درمیان وسیع تر اقتصادی تعاون کو بڑھانا تھا۔

دورے کی اہم ترین ملاقات وزیر اعظم شہباز شریف اور سعودی ولی عہد شہزادہ محمد بن سلمان کے درمیان ہوئی، جس میں اقتصادی تعلقات کو مزید مستحکم کرنے اور باہمی ترقی کے نئے مواقع تلاش کرنے پر تبادلہ خیال کیا گیا۔

اس کے علاوہ، وزیر اعظم نے سعودی عرب کے سرمایہ کاری کے وزیر خالد الفالح اور اقتصادی تعاون کے مشترکہ ٹاسک فورس کے سربراہ سے بھی ملاقات کی، جس میں دوطرفہ اقتصادی تعاون کو بڑھانے اور پاکستان میں سعودی سرمایہ کاری کے فروغ پر بات چیت کی گئی۔

اقتصادی ایجنڈے کے ساتھ ساتھ، وزیر اعظم شہباز شریف نے مدینہ منورہ میں روضۂ رسول صلی اللہ علیہ وسلم پر حاضری دی اور مکہ مکرمہ میں اپنے وفد کے ہمراہ عمرہ ادا کیا۔

وزیراعظم نے عمرے کی سعادت حاصل کرلی

وزیراعظم شہباز شریف نے مکہ مکرمہ میں اپنے وفد کے ہمراہ عمرہ ادا کیا۔ وزیراعظم نے خانہ کعبہ میں نوافل ادا کیے اور ملک و قوم اور امت مسلمہ کی فلاح و بہبود اور ترقی کے لیے دعا کی۔

وزیراعظم شہباز شریف نے دورہ سعودی عرب کے دوران وفد کے ہمراہ مکہ مکرمہ میں عمرہ کی سعادت حاصل کی۔ انھوں نے امت مسلمہ کی ترقی اور پاکستان کی خوشحالی کے لیے خصوصی دعائیں کیں۔ اس موقع پر وزیراعظم نے سعودی حکام سے ملاقات بھی کی اور دونوں ممالک کے درمیان دو طرفہ تعلقات کو مزید مستحکم کرنے پر بات چیت کی۔

بعدازاں، وزیراعظم شہبازشریف سعودی عرب کا دورہ مکمل کرکے جدہ سے اسلام آباد کے لیے روانہ ہوگئے، گورنر جدہ نے وزیراعظم شہبازشریف کو رخصت کیا۔ وزیراعظم نے19 سے 22 مارچ تک دورہ کیا۔

قبل ازیں، وزیراعظم شہباز شریف نے سعودی عرب کے دورے کے دوران وفد کے ہمراہ مدینہ منورہ میں مسجد نبوی میں حاضری دی اور وفد کے ہمراہ روضہ رسولﷺ کی زیارت کی، ریاض الجنہ میں نوافل ادا کیے۔

گورنر مدینہ عزت مآب شہزادہ سلمان بن سلطان نے وزیراعظم کا ایئر پورٹ پراستقبال کیا تھا۔

سعودی عرب کے دورے کے آغاز میں ریاض کے شاہی محل میں وزیراعظم شہباز شریف نے سعودی عرب کے ولی عہد اور وزیراعظم شہزادہ محمد بن سلمان سے ملاقات کی، اس موقع پر آرمی چیف جنرل عاصم منیر، وزیرخارجہ اسحاق ڈار، وزیراعلیٰ پنجاب مریم نواز بھی شریک تھے۔

سعودی عرب نے پاکستان کو رواں سال ایک ارب 20 کروڑ ڈالر کا تیل دینے کا اعلان کردیا، فروری 2026 تک ہر ماہ 10 کروڑ ڈالر کا تیل دیا جائے گا۔