نارتھ کراچی کے علاقے بلال کالونی میں شہری نے بہادری کا مظاہرہ کرتے ہوئے ڈکیتی کی واردات ناکام بنا دی۔ واردات اور فائرنگ کی ویڈیو بھی سامنے آگئی جس میں واضح طور پر گولیوں کی آوازیں سنی جا سکتی ہیں۔

تفصیلات کے مطابق واقعہ آج صبح پیش آیا جب موٹرسائیکل سوار2 مسلح ڈاکو ایک شہری کو لوٹنے کی کوشش کر رہے تھے۔ جیسے ہی ڈاکوؤں نے شہری کو روکا، اس نے اپنی جان بچانے اور قیمتی سامان محفوظ رکھنے کے لیے فلمی انداز میں جوابی کارروائی کرتے ہوئے فائرنگ کردی۔

شہری کی طرف سے چلائی گئی گولیوں کی گونج گلی میں سنائی دیتی رہی جس کے بعد ڈاکو خوفزدہ ہوکر موقع سے فرار ہوگئے۔ خوش قسمتی سے شہری بھی محفوظ رہا جبکہ ڈاکو اپنی واردات میں ناکام ہوکر بھاگ نکلے۔

دوسری جانب کراچی میں ماہ صیام میں اسٹریٹ کرائم میں اضافہ ہوگیا ہے، گلستان جوہر میں ملزمان کی دن دیہاڑے واردات رونما ہوئی واردات کی سی سی ٹی وی فوٹیج سامنے آگئی۔

کراچی میں لڑکی نے مبینہ طور پر منگیتر سے جھگڑے پر خود کشی کرلی

گلستان جوہر بلاک 9 میں ملزمان کی دن دیہاڑے واردات کی سی سی ٹی وی فوٹیج سامنےآ گئی ہے، موٹر سائیکل سوار 2 ملزمان شہریوں کے پاس پہنچے، ایک ملزم نے نیچے اترتے ہی شہریوں پر اسلحہ تان لیا اورشہری سے موبائل فون چھین لیا۔

کراچی میں راشن کی تقسیم کے دوران بھگدڑ مچنے سے خاتون جاں بحق

سی سی ٹی وی فوٹیج کے مطابق ملزمان واردات کے بعد با آسانی فرار ہوگئے، ملزمان کے چہرے سی سی ٹی وی فوٹیج میں واضح طور پر دیکھے جا سکتے ہیں۔