محکمہ موسمیات کے مطابق کراچی میں آج اور کل موسم گرم اور خشک رہے گا، جہاں درجہ حرارت 34 سے 36 ڈگری سینٹی گریڈ تک رہنے کا امکان ہے۔ تاہم، 13 یا 14 مارچ سے موسم میں قدرے بہتری اور درجہ حرارت میں کمی متوقع ہے۔

پیر کے روز کراچی میں زیادہ سے زیادہ درجہ حرارت 39.1 ڈگری سینٹی گریڈ ریکارڈ کیا گیا، جو رواں ماہ کا سب سے زیادہ درجہ حرارت تھا۔

کراچی میں آگ نے درجنوں دکانوں کو لپیٹ میں لے لیا، کروڑوں کا سامان خاکستر

محکمہ موسمیات کے ترجمان ترجمان انجم نذیر ضیغم کا کہنا ہے کہ شہر میں آج سے سمندری ہوائیں بحال ہونا شروع ہوجائیں گی اور کل سے درجہ حرارت میں میں نمایاں کمی متوقع ہے، جمعرات سے شہر میں اچھی ہوائیں چلیں گی۔

انہوں نے مزید کہا کہ کل سے زیادہ سے زیادہ درجہ حرارت 33 سے 35 ڈگری تک جانے کے امکانات ہیں، کل سے آئندہ دس روز تک شہر کا موسم بہتر ہوگا۔

ملک کے دیگر علاقوں میں آج پنجاب، خیبرپختونخوا، شمالی بلوچستان، کشمیر اور گلگت بلتستان میں کہیں کہیں بارش کا امکان ہے، جبکہ بالائی علاقوں میں پہاڑوں پر برفباری کی پیش گوئی کی گئی ہے۔