کراچی میں رمضان المبارک کے دوران ڈکیتی اور لوٹ مار کی وارداتوں میں اضافہ ہوگیا ہے۔ رات گئے ایک گھنٹے کے دوران دو ڈاکو ہلاک اور دو شہری زخمی ہوگئے۔ ناظم آباد بورڈ آفس کے قریب ایک شہری نے دو مبینہ ڈاکوؤں کو فائرنگ کرکے ہلاک کردیا۔ ڈاکو شہری سے لوٹ مار کے بعد فرار ہوئے تھے، تاہم شہری نے تعاقب کرتے ہوئے چلتی موٹر سائیکل پر انہیں گولیاں مار دیں۔

اورنگی ٹاؤن حنیف آباد میں ڈاکوؤں کی فائرنگ سے ایک شہری زخمی ہوگیا، جبکہ دریا گوٹھ میں بھی راہزنوں کی فائرنگ کے نتیجے میں ایک اور شہری زخمی ہوا۔ گلشن اقبال بلاک تیرہ ڈی میں ملزمان ایک خاتون سے سونے کے کنگن چھین کر فرار ہوگئے۔ واقعہ دکان کے اندر پیش آیا۔

کراچی: مبینہ پولیس وردی میں ملبوس ملزمان نے شہری کو لوٹ لیا

کراچی میں بڑھتی ہوئی وارداتوں پر شہریوں میں تشویش پائی جاتی ہے، جبکہ پولیس کی جانب سے سیکیورٹی اقدامات مزید سخت کرنے کی یقین دہانی کرائی گئی ہے۔