ٹرانسپرنسی انٹرنیشنل نے کرپشن پرسیپشن انڈیکس 2024 جاری کر دیا ہے، جس کے مطابق پاکستان میں گزشتہ سال کرپشن میں اضافہ ہوا ہے۔ رپورٹ کے مطابق پاکستان دنیا کا 46 واں کرپٹ ترین ملک بن گیا اور 180 ممالک کی درجہ بندی میں اس کا 135 واں نمبر ہے۔

کرپشن پرسیپشن انڈیکس میں پاکستان کا اسکور 100 میں سے 27 رہا، جبکہ 2023 میں پاکستان 133 ویں نمبر پر تھا، جو 2024 میں 135 ویں نمبر پر چلا گیا۔ گزشتہ سال پاکستان 48 ویں کرپٹ ترین ملک تھا، تاہم اس سال مزید دو درجے تنزلی دیکھنے میں آئی۔

رپورٹ کے مطابق کرپشن پرسیپشن انڈیکس کا ڈیٹا اکٹھا کرنے کے لیے آٹھ مختلف ذرائع استعمال کیے گئے۔ ورائٹیر آف ڈیموکریسی پروجیکٹ میں بھی پاکستان کی درجہ بندی نیچے گئی جبکہ اکنامکس انٹیلیجنس یونٹ میں پاکستان کا اسکور 20 سے کم ہو کر 18 ہوگیا۔

عمران خان کی کال کام نہ آئی، بیرون ملک پاکستانیوں کی ترسیلات زر میں نمایاں اضافہ

ورلڈ اکنامک سروے کی رپورٹ میں بھی پاکستان کی بڑی تنزلی دیکھی گئی۔ پی ڈی ایم دور میں پاکستان 180 ممالک میں 140 ویں نمبر پر تھا جبکہ اب کرپٹ ممالک میں نیچے سے 41 ویں نمبر پر آ گیا ہے۔

رپورٹ کے مطابق ڈنمارک سب سے کم بدعنوان ممالک میں پہلے نمبر پر ہے، جبکہ فن لینڈ دوسرے اور سنگاپور تیسرے نمبر پر ہیں۔ بھارت 96 ویں نمبر پر ہے، جو پاکستان سے 39 درجے بہتر پوزیشن میں ہے۔

سب سے زیادہ کرپٹ ممالک میں جنوبی سوڈان، صومالیہ اور وینزویلا شامل ہیں جبکہ ایران، عراق اور روس میں بھی کرپشن میں اضافہ دیکھا گیا ہے۔ روس 154 ویں نمبر پر پہنچ چکا ہے، جبکہ افغانستان 165 ویں اور بنگلادیش 151 ویں نمبر پر موجود ہے۔