میئر کراچی مرتضٰی وہاب نے کہا ہے کہ ڈیڑھ سال میں کے ایم سی کے وسائل بڑھ کر 2 اعشاریہ 3 ارب ہوچکی ہے۔

ذرائع کے مطابق مرتضٰی وہاب نے پریس کانفرنس سے گفتگو میں کہا کہ کے ایم سی 751 اسکیموں پر کام کررہی ہے، 30 جون 2025 تک 493 اسکیموں کو مکمل کرلیں گے۔

انہوں نے کہا کہ 722 ملازمین کو ریگولراِز کرانے کا کہا جبکہ لسٹ 678 کی تھی چیک کرو تو 900 سے زائد نکلتے ہیں۔

میئر کراچی نے کہا کہ اختیارات نہ ہونے کا رونا رونے والوں نے نوکریاں بانٹیں، یہاں تک کہ 10 سال کے بچے کو بھی نوکری دیدی گئی۔

پیپلز پارٹی ایک ساتھ دو اہم سفارتی محاذوں پر، صدر زرداری چین اور بلاول امریکہ میں متحرک

میئرمرتضٰی وہاب کا کہنا تھا کہ بہت کچھ بتاوں گا تو لوگوں کی کانپیں ٹانگیں گی۔ ان کا کہنا تھا کہ ماضی کے میئر ایک ہی بات کہتے تھے وسائل نہیں، وسیم اختر دور میں کے ایم سی کی آمدن 77 کروڑ تھے، ڈیڑھ سال میں کے ایم سی کو دو اعشاریہ تین ارب آمدن ہوئی۔

انہوں نے بتایا کہ کے ایم سی 751 اسکیموں پر کام کررہی ہے، جون تک چارسو ترانوے اسکیموں کو مکمل کرلیں گے، جس کے ثمرات عوام کو ملیں گے۔

سندھ ایگریکلچرٹیکس بل 2025 متفقہ طورپرمنظور

مرتضیٰ وہاب نے کہا کہ 2.14 ارب روپے اس وقت ہمارے اکاؤنٹ میں آ چکے ہیں جبکہ 300 فیصد آمدنی میں پیپلز پارٹی کی قیادت نے اضافہ کیا ہے۔

ان کا کہنا تھا کہ بہت سارے ٹاؤنز ہمیں پریشان کرتے ہیں، ٹاؤنز وہ کام نہیں کر رہے تو بلدیہ عظمیٰ کراچی یہ کام کروا رہی ہے لیکن پھر بھی ہماری ریکوری میں اضافہ ہو رہا ہے۔

میئر کراچی نے مزید کہا کہ پیپلز پارٹی انسان دوست جماعت ہے کسی کا روزگار نہیں چھیننا چاہتی۔ آج آپ کو بلانے کا مقصد بلاول بھٹو کی سربراہی میں ترقی کا سفر ہے، جو کراچی کی ترقی کا سفر شروع کیا تھا اس سے مثبت اثرات بتانا ہے، یہ بہتری اور ترقی کا سفر جاری رہے گا۔