کرم پولیس نے تحصیل چیئرمین اپرکرم آغا مزمل حسین کو حراست میں لے لیا جن کے خلاف پاراچنار دھرنا کی ایف آئی آر درج تھی۔

پولیس کے مطابق ایف آئی آر میں نامزد افراد کو گرفتار کیا جائے گا۔

پولیس کا کہنا ہے کہ اپر کرم سے مزید گرفتاریاں متوقع ہیں، پاراچنار دھرنا میں موجود 300 سے زائد افراد پر ایف آئی آر درج ہے۔

اپر کرم کے لئے سامان رسد اور بنکرز کی مسماری کا نیا شیڈول جاری

واضح رہے کہ 2024 کے آخری مہینوں میں کرم ایجنسی کے علاقے پارا چنار میں مسافر بس پر فائرنگ سے 44 افراد جاں بحق ہوگئے تھے، جس کے بعد کرم ایجنسی کے مختلف علاقوں میں مسلح قبائلی تصادم اور فائرنگ کے نتیجے میں مزید درجنوں افراد اپنی جانوں سے ہاتھ دھو بیٹھے تھے۔

متحارب فریقین کی جانب سے راستوں کی بندش اور احتجاج کی وجہ سے کرم ایجنسی میں کھانے پینے کی اشیا اور ادویات کی قلت پیدا ہوگئی تھی، جس کے بعد وفاقی کابینہ کے ہیلی کاپٹر کے ذریعے ہنگامی طور پر امدادی سامان پاراچنار بھیجا گیا تھا۔

لوئر کرم میں آپریشن تیسرے روز میں داخل، مختلف مقامات پر ہیلی کاپٹر سے شیلنگ

پاراچنار پریس کلب پر کئی روز دھرنا جاری رہا، اس دوران مجلس وحدت المسلمین نے کراچی میں بھی مختلف مقامات پر سڑکیں بند کرکے دھرنے دیے، بعد ازاں خیبر پختونخوا حکومت اور قبائلی عمائدین کے گرینڈ جرگے میں مذاکرات کے کئی دور ہونے کے بعد فریقین میں امن معاہدہ ہوگیا تھا۔

امن معاہدے کے بعد کراچی سمیت ملک کے مختلف مقامات پر جاری احتجاج ختم کر دیا گیا تھا، جس کے بعد آج خیبر پختونخوا حکومت نے امدادی سامان کرم ایجنسی کی جانب روانہ کیا ہے۔