کراچی میں ایف آئی اے سائبر کرائم رپورٹنگ سینٹر نے پی ای سی ایچ ایس میں قائم زینتھ کوڈ نامی غیر قانونی کال سینٹر پر کارروائی کرتے ہوئے غیر ملکی بینکوں کے نمائندے بن کر شہریوں کے اکاؤنٹس سے غیر قانونی طور پر رقم ٹرانسفر کرنے میں ملوث سینٹر مالک سمیت چھ ملزمان کو گرفتار کرلیا۔

ایف آئی آر کی جانب سے درج کئے گئے مقدمے میں کال سینٹر کا مالک کاشف منیر، عمیر کریم، حیدر کریم، نوشاد کریم،عبید اکرم اور مہتاب علی کو نامزد کیا گیا ہے۔

کراچی میں شارٹ ٹرم کڈنیپنگ کا گندا دھندا، سی ٹی ڈی انچارج راجہ عمر خطاب برطرف

ایف آئی آر کے مطابق ملزمان آن لائن سکیم کے ذریعے غیر ملکیوں کے ڈیبٹ اور کریڈٹ کارڈز کا حساس ڈیٹا چوری کرنے میں بھی ملوث ہیں۔

مقدمے کے مطابق ملزمان حساس ڈیٹا کے حصول اور بیلنس ٹرانسفر کے لئے امریکی اور کینیڈین شہریوں کو غیر ملکی بینک نمائندے بن کر کال کرتے تھے۔

حیدرآباد: پولیس اہلکار اپنی تین بچیوں کو فروخت کرنے مجبور

ایف آئی آر کے مطابق کارروائی میں فراڈ کے لئے استعمال ہونے والے الیکٹرانک آلات اور گیجٹس بھی ضبط کئے گئے ہیں۔