کراچی میں مختلف مقامات پر پارا چنار میں ہونے والے واقعے پر احتجاجی مظاہرے جاری ہیں، کے باعث متعدد راستے بند ہیں۔ اس حوالے سے ٹریفک پولیس کی جانب سے متبادل پلان جاری کیا گیا ہے۔

ترجمان ٹریفک پولیس کے مطابق مین ایم اے جناح روڈ نمائش چورنگی ٹریفک کے لیے بند ہے، جہاں سے ٹریفک کو 45 کانگریس سے پیپلز چورنگی گرو مندر سے سولجر بازار ڈائیورٹ کیا گیا ہے۔

سوسائٹی سگنل سے کوریڈور تھری، بریٹو روڈ سے سولجر بازار اور گرو مندر کی طرف ڈائیورشن دی گئی ہے۔

ابو الحسن اصفانی روڈ بجانب سپر ہائی وے عباس ٹاؤن کے سامنے دونوں اطراف کی سڑکیں بند ہیں، ٹریفک کو پیراڈائز بیکری سے فاریہ چوک اور اندرون گلیوں کی طرف بھیجا جا رہا ہے، رینجر کٹ سے سروس روڈ بجانب پنجاب اڈہ کی طرف ڈائیورشن دی گئی ہے۔

فائیو سٹار چورنگی مکمل بند ہے، جہاں سروس روڈ سے ٹریفک کی روانی جاری ہے۔

یونیورسٹی روڈ میٹرو شاپنگ سینٹر سمامہ بجانب نیپا سڑک بند ہے، ٹریفک کو اندرون علاقوں میں ڈائیورشن دے دی گئی ہے۔

مین شاہراہ فیصل کالا چھپرا کی جانب ملیر روڈ بند ہے، شہر سے جانے والی ٹریفک کارساز، ڈرگ روڈ، ملینیم، جوہر چورنگی جانب پہلوان گوٹھ سے ائیرپورٹ بھیجا جا رہا ہے۔

ملیر، کورنگی انڈسٹریل ایریا اور کلفٹن، ڈیفنس سے ائیرپورٹ جانے والے حضرات سنگر چورنگی، سے شاہ فیصل کالونی ریتا پلاٹ روڈ استعمال کریں۔

شمع شاپنگ سینٹر سے شاہ فیصل کالونی برج سے ائیرپورٹ کا راستہ استعمال کرسکتے ہیں۔

میں نیشنل ہائی وے ملیر 15 برج چڑھائی آنے جانے والے دونوں روڈ بند ہیں، ٹریفک کو ملیر ہالٹ سے ماڈل کالونی کی طرف ڈائیورشن دی ہے، منزل پمپ سے یونس چورنگی کی طرف اور داؤد چورنگی سے انڈسٹریل ایریا کی طرف ڈائورشن دی گئی ہے۔

شمس الدین عظیمی روڈ کے ڈی اے فلیٹ بجانب سرجانی روڈ ٹریفک کے لیے بند ہے، ٹریفک کو ٹوٹل پیٹرول پمپ سے سروس روڈ کی طرف ڈائیورشن دی ہے۔

انچولی شاہراہ پاکستان بجانب سہراب گوٹھ ٹریفک کے لیے بند ہے، واٹر پمپ چورنگی سے کارڈیو اسپتال و گلبرگ چورنگی کی طرف ڈائیورشن دی ہے۔

کامران چورنگی چاروں طرف ٹریفک کے لیے بند ہے، ٹریفک کو موسمیات سے یونیورسٹی روڈ اور منور چورنگی سے اندرون علاقوں کی طرف ڈائیورشن دی گئی ہے۔

نواب صدیق علی خان روڈ چورنگی ناظم آباد نمبر 1 بجانب ناظم آباد نمبر 2 ٹریفک کے لیے بند ہے، ٹریفک کو لسبیلہ سے تین ہٹی کی طرف ڈائیورشن دی ہے۔

مین نیشنل ہائی وے ٹاؤن شپ دونوں اطراف کی سڑکیں بند ہیں، ٹھٹھہ والی ٹریفک کو لنک روڈ پورٹ قاسم شہر سے جانے والی ٹریفک کو پورٹ قاسم چورنگی سے پورٹ قاسم کی طرف ڈائیورشن دی ہے۔

پاور ہاؤس چورنگی ناگن سے جانب فور کے فضل الہیٰ روڈ بند ہے، ٹریفک کو پاور ہاؤس چورنگی سے پہلے شیل پمپ کٹ سے سروس روڈ پر چلا رہے ہیں جبکہ دوسرا روڈ ٹریفک کے لیے چل رہا ہے۔