انسداد دہشت گردی عدالت اسلام آباد نے ڈی چوک سے گرفتار 17 مظاہرین کے مزید جسمانی ریمانڈ کی استدعا مسترد کرتے ہوئے انہیں جیل بھیجنے کا حکم دے دیا۔

جج طاہر عباس سپرا نے کیس کی سماعت کی۔ پولیس نے ڈی چوک احتجاج پر گرفتار 17 مظاہرین کو اسلام آباد کی انسداد دہشت گردی عدالت میں پیش کیا۔

پراسیکیوٹر عاطف رانجھا کی جانب سے ملزمان کے مزید بیس بیس روز کے جسمانی ریمانڈ کی استدعا کی گئی۔ ملزمان کے وکیل انصر کیانی نے جسمانی ریمانڈ کی مخالفت کر دی۔

دوران سماعت پراسیکیوٹر نے کہا کہ ملزمان کا مجموعی طور پر 11 دن کا ریمانڈ ہوا ہے کچھ برآمدگیاں ہو چکی ہیں۔ عدالت نے ملزمان کے جسمانی ریمانڈ کی استدعا مسترد کرتے ہوئے جوڈیشل ریمانڈ پر جیل بھیج دیا۔