ننکانہ صاحب میں بابا گورونانک کے جنم دن کی تقریبات میں شرکت کے لیے آنے والا ہندو یاتری ڈاکوﺅں کی فائرنگ سے ہلاک ہوگیا جبکہ ڈاکو 3 لاکھ روپے کی نقدی چھین کر فرار ہوگئے۔

ضلع لاڑکانہ (سندھ) کا رہائشی اور 4 بچوں کا باپ راجیش کمار اپنے دوست دولت رام اور فیملی کے ہمراہ کار پر با با گورونانک کے جنم دن کی تقریبات میں شرکت کے لیے لاہور سے ننکانہ صاحب آرہا تھا کہ مانانوالہ روڈ پر اسلام آباد گاﺅں کے قریب ڈکیتی کے دوران 3 نامعلوم مسلح ڈاکوﺅں نے مزاحمت کرنے پر فائرنگ کر کے راجیش کمار کو قتل کردیا اور اس سے 3 لاکھ روپے کی نقدی چھین کرفرار ہوگئے۔

ڈاکوﺅں نے 4 موبائل واپس کر دیے، اس واقعے کی اطلاع ملتے ہی صوبائی وزیر اقلیتی امور سردار رمیش سنگھ اروڑہ اورڈی پی او سید ندیم عباس پو لیس کی بھاری نفری کے ہمراہ ڈی ایچ کیو اسپتال پہنچ گئے۔

ڈی ایچ کیو اسپتال میں سیکیورٹی کے ناقص انتظامات پر ہندو اور سکھ یاتری سراپا احتجاج ہوگئے، سکھ اور ہندو یاتری عدم تحفظ کا شکار ہیں۔