پنجاب کے شہر اوکاڑہ میں جی ٹی روڈ پر غربی بائی پاس کے قریب پولیس کی فائرنگ سے 20 سالہ خاتون شدید زخمی ہوگئیں، فائرنگ کرنے والے اہلکاروں کو تحویل میں لے لیا گیا۔

پولیس اہلکار نے کار پر فائرنگ کی، جس سے خاتون کے سر میں گولی لگی، کار سوار 20 سالہ خاتون شدید زخمی ہوگئیں۔

پولیس نے کار ڈرائیور شرافت کو بھی گرفتار کرلیا۔

پولیس کے مطابق شرافت نرسنگ کی طالبہ غلام سعدیہ کو ساہیوال لے جا رہا تھا۔

ڈی پی او نے واقعے کا نوٹس لے لیا ہے، جبکہ فائرنگ کرنے والے اہلکاروں کو تحویل میں لے لیا گیا۔