کراچی کے علاقے ملیر کورٹ کے قریب دو گروپوں میں تصادم کا واقعہ پیش آیا فائرنگ سے علاقے میں خوف وہراس پھیل گیا۔

ایس ایس پی ملیر کے مطابق واقعہ سلمان ٹاور کے قریب پیش آیا، دو فریقوں کے درمیان معاملہ کورٹ میں زیر سماعت تھا، جہاں فریقین کورٹ سے باہر نکلے اور آپس میں لڑ پڑے۔

مشتعل افراد نے موٹر سائیکلوں کو آگ لگا دی جس کے بعد پولیس نے فوری ایکشن لیتے ہوئے 8 افراد کو حراست میں لیا ہے۔

پولیس کا بتانا ہے کہ ایک گروپ نے مخالف گروپ کا ایک شخص چند ماہ قبل قتل کیا تھا۔ جس کی آج سماعت ملیر کورٹ میں تھی۔