کوئٹہ کے مسلم باغ کے قریب سیلابی ریلے کے بہاؤ کی وجہ سے ژوب جانے والی گاڑی الٹ گئی جس کے نتیجے میں ایک خاتون سمیت 2 افراد جاں بحق ہوگئے۔

واضح رہے کہ بلوچستان حکومت نے بارشوں کے بعد سیلابی صورتحال کے پیش نظر صوبے کے 10 اضلاع کو آفت زدہ قرار دے دیا ہے۔ بلوچستان میں تاحال وفقے وفقے سے بارش کا سلسلہ جاری ہے اور حکام کے مطابق جاں بحق افراد کی تعداد 20 ست تجاوز کرچکی ہے۔

مسلم باغ کے قریب سیلابی ریلے کی وجہ سے ژوب جانے والی گاڑی سے متعلق عینی شاہدین نے بتایا کہ حادثے میں کچھ مسافر زخمی بھی ہوئے ہیں اور تمام زخمیوں کا تعلق ژوب سے ہے۔

ادھر لیویز کے مطابق حادثے میں 6 زخمی خواتین ٹراما سینٹر کوئٹہ منتقل کردی گئی ہیں۔