بھلوال کے نواحی قصبے پھلروان کی بیوہ محنت کش خاتون کی یتیم بیٹی ہونہار طالبہ انیلہ اقبال نے سرگودھا تعلیمی بورڈ انٹرمیڈیٹ کے امتحان میں دوسری پوزیشن حاصل کی ہے۔

یہ بھلوال کے نواحی قصبے پھلروان کی انیلہ اقبال ہے جس نے تعلیمی بورڈ سرگودہا انٹرمیڈیٹ کے امتحان میں 1132 نمبر حاصل کر کے بورڈ میں دوسری پوزیشن حاصل کی ہے.

انیلہ اقبال کا کہنا ہے کہ ان کی خواہش ہے کہ وہ والدہ کے خواب پورے کروں انہیں ہر وہ خوشی دوں جو وہ چاہتی ہیں۔ انیلہ کا کہنا تھا کہ اس کی خواہش ہے کہ اچھی یونیورسٹی میں داخلہ ہو جائے۔

انیلہ اقبال کی والدہ کا کہنا ہے کہ میری بیٹی سات برس کی تھی جب میرے خاوند کا انتقال ہوا. انہوں نے کہا کہ مجھے اس خوشی کے موقع پر اپنے خاوند کی کمی محسوس ہو رہی ہے۔