کروڑوں روپے بجٹ رکھنے والے سکھر کے سول اسپتال میں ایم آر آئی، ایکسرے اور سی ٹی اسکین کی مشینری دو سال سے ناکارہ پڑی ہے کوئی پوچھنے والا نہیں ہے۔

غلام محمد مہر میڈیکل کالج کا ٹیچنگ سول اسپتال مریضوں کو مفت ادویات اور تمام سہولیات پہنچانے میں ناکام ہو گیا۔ گھنٹوں گھنٹوں بجلی کا بریک ڈاؤن، ادھوری ادویات کی فراہمی اور تین سال سے سی ٹی اسکین، ایم آر آئی اور الٹراساؤنڈ کی ناپید سہولیات نے اسپتال کی کارکردگی پر کئی سوالیہ نشان اُٹھادیئے ہیں. اس سلسلے میں ایک عرصے سے انتظامیہ بے بس اور حکومت بے حس دکھائی دیتی ہے۔

سول اسپتال میں آنے والے مریضوں کی شکایات نے مفت ادویات اور تمام سہولیات کا انتظامیہ کا دعویٰ غلط ثابت کر دیا ہے۔ مریضوں نے اسپتال کی حالت بہتر بنانے کا مطالبہ کر دیا۔