سرحد چمبر آف کامرس کے صدر فواد اسحاق نے مشیر خزانہ خیبر پختونخوا مزمل اسلم پر عدم اعتماد کا اظہار کرتے ہوئے کہا کہ یہ قلمدان کسی ایسے شخص کو دیا جائے جو خیبرپختونخوا کو سمجھتا ہو۔ صوبائی حکومت نے برآمدات پر دو فیصد ٹیکس لگا دیا ہے۔

سرحدچمبرآف کامرس کے صدر فواد اسحاق نے پریس کانفرنس کرتے ہوئے کہا برہمی کا اظہار کیا کہ صوبائی حکومت نے برآمدات پر 2 فیصد ٹیکس لگا دیا ہے اس سے جو کاروبار تھوڑا بہت چل رہا تھا وہ بھی ختم ہو جائےگا ۔ مشیر خزانہ پر ہم عدم اعتماد کا اظہار کرتے ہیں قلمدان کسی ایسےشخص کودیا جائے جو کے پی کوسمجھتا ہو۔

انھوں نے کہا کہ یہ ظالمانہ ٹیکس راتوں رات لگا دیا اور اس پرمباحثہ تک نہیں ہوا، یہ ٹیکس کسی اور صوبے میں لگاو نہیں تو یہاں کیسے لگایا گیا۔ ہمیں یہاں سے کاروبار سے منتقل کرنے پر مجبورنہ کیا جائے۔

فواد اسحاق نے کہا کہ بڑے صوبوں کے ساتھ ہم اب بالکل مقابلہ نہیں کرسکتے، اور اس ظالمانہ ٹیکس کی صورت میں کوئی ایکسپورٹ نہیں ہوسکتا۔