الیکشن کمیشن نے پی ٹی آئی کے جنرل سیکریٹری عمرایوب کے بیان پر ردعمل دیتے ہوئے کہا ہے کہ عمر ایوب مسلسل چیف الیکشن کمیشن اور ممبران کے بارے میں غلط بیانی کر رہے ہیں۔ عمرایوب، چیف الیکشن کمیشنر، ممبران اور ادارے کے خلاف جھوٹا پروپگینڈا کرتے رہے ہیں۔

الیکشن کمیشن کے ترجمان کا کہنا ہے کہ عمرایوب کی جانب سے جھوٹے پروپگینڈے کا سلسلہ تاحال جاری ہے، انہوں نے الیکشن کمیشن پر جھوٹا الزام لگایا کہ انتخابات پر ساڑھے 14 ارب روپے کے اخراجات ہوئے، عام انتخابات 2018 کے اخراجات 28 ارب روپے سے زیادہ تھے۔

مجھے کچھ ہوا تو ذمہ دار ڈی جی آئی ایس آئی اور جنرل عاصم منیر ہوں گے، عمران خان

ترجمان نے کہا کہ انتخابات 2024 میں زائد ووٹرز، اضافی پولنگ اسٹیشنز عملہ اور بیلٹ پیپرز تھے، اضافی اخراجات کے باوجود انتخابات 2024 میں ساڑھے 33 ارب خرچ ہوئے۔

مخصوص نشستوں کے فیصلے پر عملدرآمد کیلئے پی ٹی آئی نے سپریم کورٹ سے رجوع کرلیا

ترجمان الیکشن کمیشن نے کہا کہ الیکشن کمیشن نے انتخابی اخراجات کم سے کم کرنے کی کوشش کی۔