شمالی وزیرستان میں گزشتہ رات نامعلوم حملہ آورؤں نے گرلز مڈل اسکول پر حملہ کرکے اسکول کو بارودی مواد سے اڑا دیا۔

شمالی وزیرستان کےگاؤں زیرکی میں گزشتہ رات حملہ آوروں نےرات کی تاریکی کا فائدہ اٹھا کر گرلز مڈل اسکول کو بارودی مواد سے اڑا دیا۔

دھماکے سے اسکول کی عمارت زمین بوس ہوگئی،،حملے میں کوئی جانی نقصان نہیں ہوا، پولیس کی جانب سے واقعہ کی تفتیش کی جارہی ہے۔

اس سے قبل 9 مئی کو شمالی وزیرستان میں نامعلوم شرپسندوں نے لڑکیوں کے نجی اسکول کو بم سے اڑا دیا تھا۔ نجی اسکول شوہ درازندہ کورات گئے بارودی مواد سے تباہ کیا گیا تھا۔