علی پور میں چار ملزمان نے نوجوان کو درخت سے باندھ کر پیٹرول چھڑک کر آگ لگادی۔ 18 سالہ احسان اللہ کو ملتان کے نشتر میڈیکل اسپتال منتقل کیا جارہا تھا کہ اس نے دم توڑ دیا۔

آج نیوز کے نمائندے کے مطابق یہ واقعہ تھانہ سیت پور کے علاقے میں زمین کی حدود کے تنازع کا نتیجہ تھا۔ ملزمان میں اللہ بچایا، عبدالرشید، بابو اور یوسف شامل ہیں۔

تھانہ سیت پور پولیس نے اس انتہائی سنگ دلانہ سانحے کے حوالے سے احسان اللہ کے چچا بشیر احمد کی مدعیت میں اللہ بچایا، عبدالرشید، بابو اور یوسف کے خلاف مقدمہ درج کرلیا ہے۔