حاصل پور میں قبضہ مافیا نے مبینہ طور پر سرکاری اراضی کو فروخت کرنے کا کاروبار شروع کرلیا مختلف موضع جات میں سینکڑوں ایکڑ اراضی بیچ ڈالی۔

حاصل پور میں قبضہ مافیا ایک بار پھر سے متحرک ہو گیا محکمہ مال کی ملی بھگت کہیں یا غفلت آئے روز قبضہ مافیا سرکاری اراضی پر پنجے گاڑھ کر کروڑوں روپے کی سرکاری اراضی کوڑیوں کے بھاؤ فروخت کرنے لگا۔

ایک طرف جہاں غریبوں کو سر چھپانے کے لیے چھت تک میسر نہیں تو وہیں مبینہ طور پر با اثر سیاسی پشت پناہی رکھنے والا قبضہ مافیا راتوں رات سرکاری اراضی پر قابض ہو کر کروڑوں روپے کی سرکاری اراضی کو اپنی ملکیت بنانے میں مصروف عمل ہے جو کہ محکمہ مال حاصل پور اور متعلقہ اداروں کی کارکردگی پر کئی سوالات کو جنم دے رہا ہے لیکن انتظامیہ کی کاروائی فرضی بیانات تک ہی محدود ہے۔

شہریوں نے وزیراعلی پنجاب اور صوبائی وزیر محکمہ مال سے فوری نوٹس لے کر قبضہ مافیا کے خلاف کاروائی کا مطالبہ بھی کیا ہے۔