پاکستان پیپلز پارٹی کے کارکنان نے ایبٹ آباد میں صوبائی قیادت کے خلاف احتجاجی مظاہرہ کیا اور صوبائی جنرل سیکرٹری پر عہدے فروخت کرنے کا الزام عائد کردیا۔

سابق ضلعی صدر سرفراز خان جدون کا اس حوالے سے کہنا تھا کہ بلاول بھٹو دورہ پشاور کے دوران تنظیموں کا نوٹس لیں، پیپلز پارٹی کا صوبائی جنرل سیکرٹری گندم سکینڈل میں ملوث ہے، صوبائی وزیر خوراک ظاہر شاہ طورو سے مل کر گندم کے ٹرک غائب کیے گئے ہیں۔

علی امین بھڑکیں مارتے رہتے ہیں، پرویز خٹک کا وزیر اعلٰی خیبرپختونخوا کے بیان پر ردعمل

مظاہرین نے کہا کہ مطالبات تسلیم نہ ہوئے تو زرداری ہاؤس کے باہر دھرنا دیں گے۔

مظاہرین کا کہنا ہے کہ صوبے میں پارٹی کو ایک سازش کے تحت تباہ کیا، جیالوں کی قربانیوں کو فروخت کیا جارہا ہے، صوبائی قیادت نے اچانک ضلعی تنظیم کے عہدے دار فارغ کردیے۔

مہنگی بجلی اور لوڈ شیڈنگ کے خلاف لاہور میں جماعت اسلامی کا احتجاج

مظاہرین نے کہا کہ پیپلز پارٹی کا صوبائی جنرل سیکرٹری ایک کونسلر بھی نہیں بن سکتا۔