وفاقی دارالحکومت کے سرکاری اسکولوں میں زیر تعلیم بچوں کے لیے بڑی خبر آگئی۔

اسلام آباد کے سرکاری پرائمری اسکول کے بچوں کے لیے دوستانہ پالیسی متعارف کروا دی گئی، جس کے تحت طلباء پر بوجھ کم کرنے کے لیے سرکاری پرائمری اسکول کے بچے یکم اگست سے اسکول بیگ نہیں اٹھائیں گے۔

وفاقی سرکاری اسکولوں میں داخلے کیلئے فارم ’ب‘ کی شرط ختم

نئی پالیسی کے تحت بچوں کو سکول کی کتابوں کو ذخیرہ کرنے کے لیے کلاس رومز میں کیبن فراہم کیے جائیں گے۔

اس اقدام کا مقصد بھاری سکول بیگز کا وزن کم کرنا، طلباء کے لیے صحت مند اور خوشگوار سیکھنے کے تجربے کو فروغ دینا ہے جبکہ یہ فیصلہ والدین اور طلباء دونوں کے لیے ایک خوش آئند اقدام ہے۔

نئی پالیسی یکم اگست سے نافذ العمل ہو گی جبکہ اس حوالے سے محکمہ تعلیم کی جانب سے تمام سرکاری پرائمری اسکولوں میں ضروری انتظامات کیے جا رہے ہیں۔