حافظ آباد کے علاقے چاہ چورہ میں 13 مسلح ملزمان نے دیرینہ دشمنی پر اندھا دھند فائرنگ کرکے انور ملاح نامی شخص کو قتل کردیا۔

ملزمان نےعلاقے میں دہشت پھیلانے کی غرض سے مقتول کی لاش پر فائرنگ کرتے ہوئے ویڈیو بھی بنائی اور سوشل میڈیا پر وائرل کردی۔

تھانہ جلالپور بھٹیاں کی پولیس نے مقتول کی بیوی کی مدعیت میں 13 ملزمان کے خلاف مقدمہ درج کرلیا۔

خیبر : سکیورٹی فورسز کا آپریشن، 5 دہشت گرد ہلاک

پولیس کا کہنا ہے کہ انور ملاح کی امیر ملاح گروپ سے دشمنی چلی آرہی تھی، جس پر اس کے مخالفین نے اس پر اس وقت دھاوا بول کر فائرنگ کی جب وہ دریا کے کنارے بیلے میں کام کر رہا تھا۔

پولیس کے مطابق فائرنگ کے بعد ملزمان فرار ہوگئے ہیں اور تاحال کسی ملزم کی گرفتاری عمل میں نہیں آسکی، تاہم ملزمان کی گرفتاری کیلئے چھاپے مارے جارہے ہیں۔