شکارپور میں خانپور کے قریب مغویوں کے ورثا اور علاقہ مکین، انڈس ہائی وے بلاک کرکے احتجاج کر رہے ہیں۔ اہم سڑک بند ہونے سے گاڑیوں کی لمبی قطاریں لگ گئیں۔

مظاہرین کا کہنا ہے کہ رات دو افراد کو مچھلی کے فارم سے اغوا کیا گیا، دو مہینے میں مغوی افراد کی تعداد 13 ہوگئی ہے۔

احتجاج کے شرکاء نے کہا کہ مغویوں کی بازیابی تک انڈس ہائی وے بند رہے گی۔

شرکاء کا کہنا تھا کہ ہمارے پیاروں کو اغواء کرلیا جاتا ہے اور کوئی پوچھنے والا نہیں۔

واضح رہے کہ اہم سڑک بند ہونے سے گاڑیوں کی لمبی قطاریں لگ گئیں اور مسافروں کو شدید پریشانی کا سامنا ہے۔