تھرپارکر میں رینجرز اہلکاروں کا ٹرک حادثے کا شکار ہو گیا جس کے نتیجے میں 2 اہلکار جاں بحق ہو گئے۔

ریسکیو ذرائع کے مطابق ننگرپارکر سے آنے والے رینجرز کے ٹرک کو تھرپارکر کی تحصیل اسلام کوٹ کے قریب ٹائر پھٹنے سے حادثے پیش آیا، حادثے کے وقت رینجرز اہلکار ٹرک میں موجود تھے۔

ایم ایس اسلام کوٹ اسپتال کے مطابق ٹرک حادثے میں رینجرز کے 2 اہلکار جاں بحق اور 20 اہلکار زخمی ہوئے، جاں بحق اہلکاروں میں ابراہیم اور شاہد شامل ہیں۔

زخمی رینجرز اہلکاروں کو طبی امداد کے لیے بیسک ہیلتھ سینٹر اسلام کوٹ منتقل کیا گیا جبکہ 4 اہلکاروں کو تشویشناک حالت میں سول اسپتال مٹھی منتقل کیا گیا۔