کراچی کے علاقے صفورا صنوبر ٹاور کے قریب فائرنگ سے ایک خاتون جاں بحق ہو گئی، مقتولہ لطیفاں بی بی کو اسکے شوہر نے گولی مار کر قتل کیا۔

ابتدائی اطلاعات کے مطابق مقتولہ رکشہ میں سوارتھی، پولیس کا کہنا ہے کہ مقتولہ کو 2 گولیاں ماری گئی، خاتون کو اس کے شوہر نے قتل کیا اور فرار ہوگیا۔

نامعلوم رکشہ سوار صنوبر ٹاور کے قریب مقتولہ کی لاش کو پھینک کر چلے گئے، واردات میں 30 بور پستول استعمال ہوا ہے۔

مقتولہ کے بھائی غلام عباس کا کہنا تھا کہ مقتولہ گھروں میں کام کاج کرتی تھی، ملزم بہن سے پیسوں کے حصول کیلئے آئے دن لڑائی جھگڑا کرتا تھا آج بھی معمور کے مطابق سوسائٹی میں کام کر کے نکلی تو شوہر نے فائرنگ کر کے قتل کیا۔

جبکہ مقتولہ کے اہل خانہ کے مطابق مقتولہ کا شوہر عاشق ماضی میں بھی ایسا حملہ کرچکا ہے اور جیل بھی جا چکا ہے۔

پولیس کے مطابق میاں بیوی کے درمیان کافی عرصے سے تنازعات چل رہے تھے، مقتولہ سچل گوٹھ کی رہائشی اور8 بچوں کی ماں تھی۔

واقعے کی سی سی ٹی وی فوٹیج حاصل کی جا رہی ہے، جبکہ لاش کو قانونی کارروائی کے لیے اسپتال منتقل کر دیا گیا ہے۔