نئی وفاقی حکومت وجود میں آگئی ہے اور اس نئی حکومت کا حجم گزشتہ اٹھارہ سالہ حکومتی ادوار کے تناسب سے انتہائی کم ہے، یہ نئی حکومت اٹھارہ وزیروں اور ایک وزیر مملکت پر مشتمل ہے، یعنی 2024 کی حکومت مجموعی طور پر 19 اراکین پر مشتمل ہے۔

اس سے قبل2008 میں بننے والی پیپلز پارٹی کی حکومت 60 وزراء پر مشتمل تھی، اس کابینہ میں 38 وفاقی وزیر اور 18 وزراء مملکت شامل تھے، دو مشیر اور دو معاون خصوصی بھی کابینہ کا حصہ تھے۔

2013 میں بننے والی ن لیگ کی حکومت میں وفاقی کابینہ 59 اراکین پر مشتمل تھی، اس کابینہ میں 32 وفاقی وزراء، 15 وزرائے مملکت، 4 مشیر اور 8 معاونین تھے۔

2018 میں پی ٹی آئی حکومت میں کابینہ اراکین کی تعداد 52 تھی جس میں 25 وفاقی وزیر، 4 وزرائے مملکت، 4 مشیر اور 19 معاونین خصوصی تھے۔

جبکہ2022 میں پی ڈی ایم حکومت میں 70 وفاقی کابینہ اراکین تھے جن میں سے 34 وفاقی وزیر، 7 وزیرِ مملکت،4 مشیر اور 25 معاونین خصوصی تھے۔