رحیم یار خان میں زمین کے تنازعے کا افسوس ناک واقعہ پیش آیا ہے، جہاں صرف چار انچ دیوار کی تعمیر پر فائرنگ کردی گئی، جس کے نتیجے میں ایک نوجوان جاں بحق اور دیگر تین افراد زخمی ہوگئے۔

پولیس کے مطابق ملزمان نے زیر تعمیر مکان کی 4 انچ دیوار کی تعمیر کے تنازعے پر فائرنگ کی، فائرنگ کی زد میں آکر اسد رافع نامی ایک شخص موقع پر جاں بحق ہوگیا جبکہ 3 افراد شدید زخمی ہوئے جنہیں طبی امداد کیلئے شیخ زید اسپتال منتقل کردیا گیا۔

فائرنگ کا واقع تھانہ سٹی کی حدود بھٹہ کالونی میں پیش آیا۔

پولیس کا کہنا ہے کہ ملزمان کے خلاف مقدمہ درج کرکے ملزمان کی تلاش شروع کردی گئی ہے۔