وزیراعظم شہباز شریف آج پشاور کا دورہ کریں گے جبکہ وہ متاثرین سے ملاقات اور امدادی سامان تقسیم کریں گے۔

ذرائع کے مطابق وزیراعظم شہباز شریف دوپہر ایک بجے کے بعد پشاور پہنچیں گے، متعلقہ حکام بارشوں اور لینڈ سلائیڈنگ پر وزیراعظم کو بریفنگ دیں گے۔

وزیراعظم شہباز شریف کو دورے دوران حالیہ بارشوں سے ہونے والے نقصانات سے بھی آگاہ کیا جائے گا۔

وزیراعظم کی گورنر خیبرپختونخوا کے ساتھ اہم ملاقات متوقع ہے جبکہ شہباز شریف کو امن امان اور مالی صورتحال پر بریفنگ دی جانے کا امکان بھی ہے۔

وزیراعظم شہباز شریف خیبر پختونخوا کے متاثرہ علاقوں کا فضائی دورہ بھی کریں گے، اس کے علاوہ وزیراعظم متاثرین سے ملاقات اور امدادی سامان تقسیم کریں گے۔