الیکشن کمیشن سنی اتحاد کونسل کی مخصوص نشستوں پر تاحال کوئی فیصلہ نہ کرسکا، آج اوپن سماعت کا فیصلہ کرلیا گیا۔

ذرائع کے مطابق الیکشن کمیشن نے سنی اتحاد کونسل کو مخصوص نشستوں کی الاٹمنٹ کی درخواست پر اوپن سماعت کرنے کا فیصلہ کیا ہے۔

الیکشن کمیشن کا 5 رکنی بینچ منگل کو سنی اتحاد کونسل کی درخواست پر سماعت کرے گا۔

کے پی اسمبلی میں اپوزیشن لیڈر کیلئے ن لیگ اور جے یو آئی میں رسہ کشی

اس حوالے سے الیکشن کمیشن نے سنی اتحاد کونسل کو منگل کیلئے نوٹس جاری کردیا ہے۔

الیکشن کمیشن نے قومی اسمبلی کی 23 مخصوص نشستوں پر نوٹیفکیشن تاحال روکے ہوئے ہیں۔

واضح رہے کہ صدر مملکت عارف علوی نے قومی اسمبلی کا اجلاس طلب کرنے کی سمری یہ کہتے ہوئے واپس بھجوا دی ہے کہ پہلے خواتین اور اقلیتوں کی مخصوص نشستوں کو مکمل کریں پھر قومی اسمبلی کا اجلاس بلائیں گے۔