ڈپٹی مئیر کراچی سلمان عبداللہ مراد کا کہنا ہے کہ قبرستانوں کے باہر پارکنگ کی کوئی فیس نہیں ہے۔

ڈپٹی مئیر کراچی سلمان عبداللہ نے میونسپل کمشنر کے ایم سی کو فون کرتے ہوئے شب برات کے موقع پر قبرستان آںے والوں سے پارکنگ فیس وصول کرنے والوں کو گرفتار کرنے کی ہدایت کی ہے۔

سلمان عبد اللہ کا کہنا ہے کہ کسی قبرستان کے باہر پارکنگ فیس وصول نہیں کی جارہی، قبرستان آنے والوں سے انتظامیہ اور پولیس مکمل تعاون کررہی ہے۔

سلمان عبداللہ مراد نے کہا کہ فیس وصول کرنے والوں کو فوری گرفتار کرنے کی ہدایت کی ہے، عوام پولیس اور انتظامیہ سے تعاون کریں۔